„ელკანა“ თავის წევრ ფერმერებს მომსახურების ოთხ პაკეტს სთავაზობს:
#1 - ”ელკანას”წევრის მომსახურების პაკეტი
ეკუთვნის „ელკანას“ ყველაწევრს, რომელიც იხდის ყოველწლიურ საწევრო გადასახადს (10 ლარი):
- ბიოწარმოების ძირითადი პრინციპების გაცნობა;
- მეურნეობის აღწერა და ბიოწარმოებაზე გადასვლის კონვერსიის/მენეჯმენტის გეგმის შედგენა;
- კონსულტაციის გაწევა სასოფლო-სამეურნეო საკითხებზე როგორც „ელკანას“ ოფისში, ასევე ტელეფონისა და ელ-ფოსტის მეშვეობით;
- საჭიროების შემთხვევაში მრჩევლის ჩასვლა მეურნეობაში და კონსულტაციის გაწევა ადგილზე (წელიწადში ერთხელ);
- „ელკანას“ პერიოდული გამოცემების, რჩევის ფურცლებისა და ჟურნალ „ბიომეურნის“ ხელმისაწვდომობა;
- საკონსულტაციო შეხვედრებზე, სემინარებსა და ფერმერის დღეებზე და სწრების შესაძლებლობა;
- ზოგადი კონსულტაციები ბიოპროდუქტების მარკეტინგისა და მეურნეობის/წარმოების გაძღოლასთან დაკავშირებულ იურიდიულ საკითხებზე (მიწის, სამეწარმეო და საგადასახადო სამართალი, მოთხოვნები სურსათის წარმოებისა და რეალიზაციისადმი, ბიოპროდუქტების სერტიფიცირება);
- „ელკანას“ წევრ ფერმერთა პროდუქციის გაყიდვების სქემაში ჩართვის შესაძლებლობა.
#2 - „ელკანას“ წევრის დარგობრივი მომსახურების პაკეტი
დარგობრივი მომსახურების პაკეტის შეძენა შეუძლია „ელკანას“ წევრს, რომელიც იხდის ყოველწლიურ საწევრო გადასახადს და დამატებით სურს მეხილეობის, მევენახეობის, მეფუტკრეობის, მეცხოველეობის, მებოსტნეობა/მემინდვრეობის დარგებში ან/და სოფლის ტურიზმში დარგობრივი მომსახურების მიღება. დარგობრივი მომსახურების პაკეტის საფასურია 20 ლარი თითო დარგზე და გულისხმობს შემდეგი დამატებითი მომსახურების გაწევას წევრისათვის:
- საჭიროების შემთხვევაში დარგობრივი მრჩევლ(ებ)ის დამატებითი ვიზიტი ფერმერის მეურნეობაში და კონსულტაციის გაწევა ადგილზე (მაქსიმუმ 2 ვიზიტი წელიწადში);
- დახმარება მეურნეობის ეკონომიკურ და სამეურნეო დაგეგმვაში;
- ხელშეწყობა სათესლე/სარგავი/სანაშენე მასალისა და ბიოწარმოებაში დაშვებული საშუალებების მოძიებაში;
- ხელშეწყობა მეურნეობის ბიოსერტიფიცირებისათვის მომზადებაში;
- კონსულტაციები სურსათის უვნებლობის საკითხებზე.
#3 - „ელკანას“ წევრის მომსახურების სრული
მომსახურების სრული პაკეტის შეძენა შეუძლია „ელკანას“ წევრს, რომელიც უკვე იხდის ყოველწლიურ საწევრო და დამატებით დარგობრივ გადასახადს. „ელკანას“ წევრი მომსახურების სრული პაკეტის ღირებულებაში დამატებით იხდის 50 ლარს. პაკეტი გულისხმობს შემდეგი დამატებითი მომსახურების გაწევას:
- საჭიროების შემთხვევაში დარგობრივი მრჩევლ(ებ)ის დამატებითი ვიზიტი ფერმერის მეურნეობაში და კონსულტაციის გაწევა ადგილზე (მაქსიმუმ 3 ვიზიტიწელიწადში);
- ხელშეწყობა წარმოებაში სურსათის უვნებლობის სისტემის დანერგვაში;
- საჭიროების შემთხვევაში მოწვეული სპეციალისტის ჩართვა გამოვლენილი პრობლემის შესასწავლად და გადასაწყვეტად;
- კონსულტაცია საგრანტო/საკრედიტო განაცხადის მომზადებაში;
- კონსულტაცია ბიზნეს გეგმის მომზადებაში.
#4 - „ელკანას“ წევრი ფერმერთა ჯგუფის დარგობრივი მომსახურების პაკეტი
მომსახურების ეს პაკეტი ეხება ”ელკანას” წევრ ორგანიზაციებს, რომლებიც ამავე დროს ფერმერთა/მწარმოებელთა ჯგუფებს წარმოადგენენ, ისინი ჩვეულებრივ იხდიან საწევრო გადასახადს დადამატებით 20 ლარის თითო დარგზე. პაკეტი გულისხმობს შემდეგი მომსახურების გაწევას:
- ბიოწარმოების სტანდარტების გაცნობა;
- კონსულტაციის გაწევა სასოფლო-სამეურნეო საკითხებზე როგორც “ელკანას” ოფისში, ასევე ტელეფონისა და ელ-ფოსტის მეშვეობით;
- „ელკანას“ პერიოდული გამოცემების, რჩევის ფურცლებისა და ჟურნალ „ბიომეურნის“ ხელმისაწვდომობა;
- საკონსულტაციო შეხვედრებზე, სემინარებზე და ფერმერის დღეებზე დასწრების შესაძლებლობა;
- ხელშეწყობა სათესლე/სარგავი/სანაშენე მასალისა და ბიოწარმოებაში დაშვებული საშუალებების მოძიებაში;
- ზოგადი კონსულტაციები ბიოპროდუქტების მარკეტინგისა და მეურნეობის/წარმოების გაძღოლასთან დაკავშირებულ იურიდიულ საკითხებზე (მიწის, სამეწარმეო და საგადასახადო სამართალი, მოთხოვნები სურსათის წარმოებისა და რეალიზაციისადმი, ბიოპროდუქტების სერტიფიცირება);
- ჯგუფის მიერ წარმოებული ერთობლივი პროდუქციის “ელკანას” წევრ ფერმერთა პროდუქციის გაყიდვების სქემაში ჩართვის შესაძლებლობა;
- ჯგუფის მოთხოვნით თემატური სემინარებისა და ტრენინგების ჩატარება (წელიწადში მაქსიმუმ 2);
- ჯგუფის ხელშეწყობა ბიოწარმოების შიდა კონტროლის სისტემის დანერგვასა და სერტიფიცირებაში;
დამატებითი მომსახურების ღირებულება, რომელიც არ შედის ”ელკანს” მომსახურების პაკეტებში, განისაზღვრება შესრულებული სამუშაოს სირთულისა და მოცულობის მიხედვით.
